(FOTO) Deputeti i LSI-së zbulon se kush është bosi i drogës në Shqipëri

Deputeti i LSI-së, Endrit Braimllari përmes një statusi në profilin e tij në ‘Facebook’, ka reaguar lidhur me deklaratën e bërë ditën e sotme nga kryeministri Edi Rama se policia është në dijeni për vendndodhjen e ‘bosëve’ dhe shumë shpejt do të marrë masa të forta.

Braimllari thotë se Rama është vetë ‘bosi’ i drogës, që po drejton “Task Forcën”.

Reagimi i Braimllarit

BOSI I DROGËS DREJTON TASK-FORCËN !!

Në 4 vite Edi Rama bashkëpunoi ngushtë me grupet kriminale, duke lejuar mbjelljen dhe kultivimin e kanabisit.

Edi Rama në 4 vite udhëhoqi rrjetet dhe grupet kriminale me qëllim shfrytëzimin e tyre dhe paratë e krimit për fushatë elektorale.

Edi Rama tani kërkon të lajë duart duke ngritur një plan kombëtar për luftën kundër kanabisit, që nuk është gjë tjetër veçse krijimi i linjave të reja të kultivimit të kanabisit.

Bosi i drogës po djeg arat, tani që nuk kanë asnjë vlerë, me qëllim që të pastrohen mirë për të mbjellë kanabis të ri.