(VIDEO/FOTO) Sarande - Akuzohet se vrau turisten ruse në Ksamil, edhe 30 dite burg për Fetajn

Gjykata shtyn me 30 ditë afatin e qëndrimit në burg për të arrestuarin që akuzohet se shkakoi vdekjen e turistes ruse në Ksamil.

17 vjeçarja u gjet e mbytur më 21 korrik në vendin e quajtur  ”3 Ishujt” Ksamil në Sarandë. 

Pas kryerjes se autopsisë, rezultoi se viktima kishte disa gërvishtje të thella ne pjesën e kokës, si edhe ne pjesën anësore te trupit, te cilat i kishin shkaktuar vdekjen.

Për këtë policia arrestoi dy ditë më pas Ermal Fetajn. 

Aktualisht laboratori i Policisë Shkencore nuk e ka përcaktuar ende nëse mbetjet në skaf janë të turistes ruse. 

Do të kryhet një ekspertizë tjetër për të provuar nëse Ermal Fatajn është autori i vrasjes.

“Janë marrë për ekzaminim fijet e flokëve (tre materiale)  që janë gjetur në mjetin lundrues me mbishkrimin “Mali” dhe  nuk u pëfitua asnjë profil gjenetik dhe për rrjedhim kjo fije floku nuk ka vlera identifikuese individuale me analizën e ADN-së, por ajo mund të ekzaminohet me analizën e ADN-së mitokondriale e cila nuk kryhet në I.P.SH” thuhet në dokumentin e dalë nga Laboratori i Policisë Shkencore, siguruar nga Ora News

Fajtor apo jo? – Ermal Fetaj i cili ndodhet i arrestuar prej 23 korrikut nuk ka pranuar vrasjen me mjetin lundrues të turistes ruse, duke deklaruar se nëse do ta kishte goditur do t’i jepte ndihmë mjekësore.

Nga këqyrja, rezulton se ne helikën e skafit qe drejtohej pa licencë shërbimi nga shtetasi Ermal Fataj, i gjeten disa fije floku, te ngjashme per nga ngjyra me ato te viktimës 16-vjeçare” deklaroi prokuroria, ndërkohë Fetaj u la në  arrest me burg për 45 ditë.

Prokuroria deklaronte  me 23 korrik 2017:  “Për të arritur në përfundime me te sakta nëse është pikërisht ky shtetas (Ermal Fataj) autor i vepres penale te parashikuar nga neni 85 i K.Penal, duhet të bëhet një vlerësim me i sakte vetëm pasi të kryhen aktet e ekspertimit mjeko/ligjor per te percaktuar kategorine e demtimeve dhe shkakun e vdekjes se viktimes, si dhe akti i ekspertimit biologjik i kampioneve dhe provave te tjera materiale te gjetura tek mjeti i tij lundrues dhe te sekuestruara prej policisë gjyqësore, per te përcaktuar ne mënyrë shkencore nëse ato përputhen dhe i përkasin ose jo viktimës, pra për te përcaktuar saktësisht nëse është pikërisht ky shtetas (Ermal Fataj) subjekti i vepres penale me pasoje vdekjen e shtetases ruse. Vetëm pas këtij momenti të procesit hetimor do të bëhet një vlerësim më i saktë i rrethanave të fakti.